შოტლანდიის ზოოპარკში გადაშენების პირას მყოფი ჯუჯა ბეჰემოთი დაიბადა. ახალშობილს შოტლანდიური სახელი, ჰაგისი, დაარქვეს. ბუნების დაცვის საერთაშორისო კავშირის (ICUN) თანახმად, დასავლეთ აფრიკის ტყეები და ჭაობები, განსაკუთრებით ლიბერია, ჯუჯა ბეჰემოთის მშობლიური მხარეა. დღესდღეობით ველურ ბუნებაში ამ ჯიშის მხოლოდ 2500 წარმომადგენელია დარჩენილი.

გასაკვირი არაა, რომ ედინბურგის ზოოპარკში გადაშენების პირას მყოფი არსების დაბადებას დიდი აღფრთოვანება მოჰყვა. პატარა ჰაგისს დაბადების დღე 30 ოქტომბერს აქვს. მისი მშობლები კი, ოტო და გლორია არიან. წყვილს კიდევ ერთი შვილი, ამარა, ჰყავთ. ის 2021 წელს დაიბადა, მაგრამ შარშან, გადაშენების პირას მყოფი სახეობების ევროპული გამრავლების პროგრამის ფარგლებში, ლონდონის ზოოპარკში გადაიყვანეს.

ჰაგისის სახლის კარი მნახველებისთვის ამ ეტაპზე დახურულია.

"პირველი 30 დღე გადამწყვეტია მისი განვითარებისთვის, ამიტომ ჯუჯა ბეჰემოთის სახლი დროებით დაიხურება. გვინდა ამ სენსიტიურ დროს დედასა და პატარას ყურადღებით დავაკვირდეთ" — განაცხადა ზოოპარკის წარმომადგენელმა.