ქუთაისში სააპელაციო სასამართლომ არასამთავრობო ორგანიზაციების 8 სარჩელის განხილვა გუშინ დასრულდა და მოსამართლეთა კოლეგია საარჩევნო დავებზე გადაწყვეტილებას დღეს გამოაცხადებს.

კოლეგიამ წარდგენილი ხუთი შუამდგომლობიდან, მხოლოდ ერთი დააკმაყოფილა და საქმის განხილვას თეთრიწყაროს სასამართლოს გადაწყვეტილება დაურთო.

არასამთავრობო ორგანიზაციის ჩემი ხმის წარმომადგენელმა მოსამართლე შოთა სირაძის აცილების შუამდგომლობა დააყენა, თუმცა არ დააკმაყოფილა.

ამასთან, არ დაკმაყოფილდა ექსპერიმენტის ჩატარების შუამდგომლობა.

საია და ჩემი ხმა იმერეთის, ზუგდიდის და აჭარის საარჩევნო ოლქების ნაწილში შედეგების ბათილობას ითხოვენ.

არასამთავრობო ორგანიზაციების სარჩელების ნაწილის განხილვა ხვალ დაიწყება.

შეგახსენებთ, რომ ქუთაისის სააპელაციო სასამართლოში საიას და ჩემი ხმის სარჩელის განმხილველი ერთ-ერთი მოსამართლე არის შოთა სირაძე, რომელიც საპატრულო პოლიციის უფროსის, ვაჟა სირაძის მამაა.