Associated Press-ის ამ დროის წინასწარი მონაცემებით (08:25), აშშ-ს საპრეზიდენტო არჩევნებში დონალდ ტრამპი საარჩევნო კოლეგიის 230 ხმით ლიდერობს, ხოლო კამალა ჰარისს 187 ხმა აქვს მოპოვებული.

თუკი ორივე კანდიდატის მიერ მოპოვებული ხმებით ვიმსჯელებთ, ტრამპმა უკვე 56,2 მილიონზე მეტი ხმა მიიღო და მისი მხარდაჭერა ახლა 51.7%-ზეა. თავის მხრივ, კამალა ჰარისს ჯერჯერობით 50,9 მილიონამდე ხმა აქვს მოპოვებული, რაც 47%-ს შეადგენს.

აღსანიშნავია, რომ საპრეზიდენტო არჩევნებში გამარჯვებისთვის კანდიდატმა ამომრჩეველთა კოლეგიის წევრთა 538 ხმიდან სულ მცირე 270 ხმა უნდა მიიღოს.

რაც შეეხება კონგრესს, ამ დროისთვის არსებული მონაცემებით, 100 ადგილიან სენატში რესპუბლიკელებს 48 ადგილი აქვთ, დემოკრატებს – 39, 435 ადგილიან წარმომადგენელთა პალატაში კი, სადაც გამარჯვებისთვის 218 ხმაა საჭირო, ასევე წინასწარი მონაცემებით, რესპუბლიკელებს 166 ადგილი აქვთ, დემოკრატებს კი - 113.