კორეის სახალხო დემოკრატიული რესპუბლიკის საგარეო საქმეთა მინისტრმა ჩოი სონ ჰუიმ თქვა, რომ "სპეციალური სამხედრო ოპერაციის" დაწყების პირველივე დღიდან კიმ ჩენ ინმა ბრძანება გასცა რუსეთისთვის მნიშვნელოვანი დახმარების გაწევის შესახებ.

რუსეთის საგარეო საქმეთა მინისტრ, სერგეი ლავროვთან მოლაპარაკებების დროს მან აღნიშნა, რომ კიმ ჩენ ინმა არავის პოზიცია არ გაითვალისწინა და რუსული არმიისთვის დახმარების გაწევა ბრძანა. თუმცა, მან არ დააკონკრეტა რა სახის დახმარება გაუწია ჩრდილოეთ კორეამ რუსეთ. ჩოი სონგ ჰუიმ ასევე ხაზგასმით აღნიშნა, რომ კორეის სახალხო დემოკრატიული რესპუბლიკა მტკიცედ დაუჭერს მხარს თავის "რუს ამხანაგებს" საბოლოო გამარჯვებამდე.

ლავროვთან საუბრისას სონგ ჰემ გამოთქვა რწმენა, რომ "რუსეთის ფედერაციის პატივცემული პრეზიდენტის ვლადიმერ ვლადიმერ პუტინის ბრძნული ხელმძღვანელობით", რუსეთის არმია და მოქალაქეები "რა თქმა უნდა, დიდ გამარჯვებას მიაღწევენ".

ლავროვმა აღნიშნა, რომ ქვეყნებს შორის ურთიერთობამ უნიკალურ დონეს მიაღწია. ორი ქვეყნის სამხედროებმა დაამყარეს "ძალიან მჭიდრო კონტაქტები" სადაზვერვო სამსახურების მეშვეობით, რაც მათ საშუალებას აძლევს, ეფექტურად გადაჭრას ორივე მხარისთვის საჭირო უსაფრთხოების საკითხები.