ქართული ოცნების აღმასრულებელი მდივანი მამუკა მდინარაძემ ბრიფინგზე განაცხადა, რომ ოცნება უცხოური გავლენის გამჭვირვალობის შესახებ კანონს არ გაიწვევს.

"არა. არ გაგიხარდებათ, მაგრამ არ გავიწვევთ", — განაცხადა მდინარაძემ.

მისი თქმით, გამჭვირვალობის კანონი რომ არ ყოფილიყო, რუსთაველის გამზირზე ახლაც იქნებოდა შეკრებილი ათობით ათასი ადამიანი და "დაინგრეოდა აქაურობა".

"გამჭვირვალობის კანონს რაც შეეხება, ეს კანონი რომ არ ყოფილიყო და რომ არ გვქონოდა ჩვენ სიმართლის გატანის, საკუთარი ხალხისგან ზურგი, ახლაც, რუსთაველზე ამ წუთშიც იქნებოდა შეკრებილი ათობით ათასი ადამიანი და დაინგრეოდა აქაურობა, მაგრამ ეს ენერგიაც გამოეცალათ. მიხვდნენ, რომ ამ ყალბი პროტესტით ყალბი შედეგები ვერ მიიღწევა. ამ კანონსაც, პროპაგანდის აკრძალვასაც ლეგიტიმაცია მისცა ქართველმა ხალხმა უმრავლესობით", – განაცხადა მამუკა მდინარაძემ.