მოვითხოვეთ დღეს, რომ 26 ოქტომბრის არჩევნებზე მისული 2 076791 ამომრჩევლის სრული ბაზა გადაეცეს ნეიტრალურ ობიექტურ პლატფორმას, — ამის შესახებ პარტია გახარია საქართველოსთვის ლიდერმა გიორგი გახარიამ დრეს გამართულ ბრიფინგზე განაცხადა.

"დღეს მოვითხოვეთ, 26 ოქტომბრის არჩევნებზე მისული 2 076791 ამომრჩევლის სრული ბაზა გადაეცეს ნეიტრალურ ობიექტურ პლატფორმას. სადაც თითოეულ ამომრჩეველს შეეძლება, გადაამოწმოს შემდეგი მონაცემები: მონაწილეობა მიიღო თუ არა არჩევნებში, რომელ უბანზე მიიღო მონაწილეობა, რომელ უბანზე მისცა ხმა, რომელ საათზე მიიღო მონაწილეობა და რომელ საათზე მისცა ხმა. დღეს ცესკო გამოვარდა და თქვა, რომ ეს რაღაცნაირად პირად მონაცემებს და კანონს არღვევს. კიდევ ერთხელ მინდა შევახსენო ცესკოს, არავინ ითხოვს ბაზების გასაჯაროებას. საუბარია ამომრჩევლის მიერ საკუთარი ხმის მიცემის ფაქტის დადასტურებაზე და დაცვაზე", — განაცხადა გიორგი გახარიამ.