ევროპისა და აშშ-ის საკითხებში გაერთიანებული სამეფოს მინისტრის, სტივენ დაუთის განცხადებაში აღნიშნულია, რომ ეუთო/ოდირის ანგარიში საქართველოში ჩატარებული არჩევნების შესახებ ადმინისტრაციული რესურსების ბოროტად გამოყენებას, პოლარიზებულ საარჩევნო გარემოს, ამომრჩეველთა დაშინებას და იძულებას ასახავს.

განცხადებაში ნათქვამია, რომ გაერთიანებული სამეფო მხარს უჭერს ეუთო/ოდირის წინასწარ დასკვნებს საქართველოში ჩატარებულ 26 ოქტომბრის საპარლამენტო არჩევნებთან დაკავშირებით.

მისი თქმით, საქართველოს ხელისუფლებამ ყველა დარღვევა უნდა გამოიძიოს.

"საქართველოს ხელისუფლებამ ყველა დარღვევა უნდა გამოიძიოს და შეცვალოს დემოკრატიის უკანდახევა ქვეყანაში. დავაკვირდებით საერთაშორისო პარტნიორებთან ერთად პროცესს ჩვენ ამას ყურადღებით დავაკვირდებით და მზად ვართ მხარდაჭერისთვის", — აღნიშნულია განცხადებაში.