Facebook ხარვეზებით მუშაობს — სოციალურ ქსელს პრობლემები დღეს დილიდან შეექმნა.

Downdetector-ის მონაცემებით, 71%-ს უჭირს Facebook-ის აპლიკაციით სარგებლობა, 16% ვერ ახერხებს ვებ-გვერდზე შესვლას, 13%-ს კი საიტზე იდენტიფიცირების გავლა უჭირს.

ქართველი მომხმარებლები სხვადასხვა გვერდების პოვნას ვერ ახერხებენ. შეფერხებით მუშაობს ოფიციალური უწყებების გვერდები სოციალურ ქსელში. მომხმარებლებს უჭირთ საქართველოს მთავრობის, სახელმწიფო სტრუქტურების, სახელისუფლებო და კრიტიკული მედიის, პოლიტიკური პარტიების ფეისბუქ გვერდებით სარგებლობა.

უცნობია რა გახდა შეფერხების მიზეზი. კომპანიის არცერთ წარმომადგენელს ამ საკითხზე კომენტარი არ გაუკეთებია.