არ იქნება სიცრუე, არ იქნება ღალატი და არ იქნება მამაძაღლობა, ამას გპირდებით ნამდვილად

26 Oct. 2024, 20:43

იშვიათია ასეთი შემთხვევა მსოფლიოში, რომ ერთი და იგივე პარტია ასეთ რთულ სიტუაციაში აღწევდეს წარმატებას. ეს არის ქართველი ხალხის ნიჭიერების კარგი მაჩვენებელი. ვარწმუნებ ჩვენს საზოგადოებას, ჩვენს ამომრჩეველს — გასაგებია, რომ ჩვენზე მდიდარი ქვეყნები არსებობენ, ჩვენზე დიდი ხნის დემოკრატია აქვთ, მაგრამ ჩვენი საზოგადოება არცერთი მდიდარი ქვეყნის საზოგადოებაზე ნაკლები არაა. ეს სწორედ იმ შეგნებით, რომ [იციან] ვის მისცენ ხმა და საით წაიყვანონ ქვეყანა.

ესაა ჩვენთვის გადამწყვეტი და გარწმუნებთ, რომ უახლოეს ისტორიაში, უახლოეს 4 წელიწადში, ჩვენ გავაკეთებთ ძალიან ბევრს. 4 წელიწადში საქართველო იქნება ყველაზე წარმატებული ქვეყნების რიგში და არა ისე, რომ ჩვენ რეიტინგებით ვედრებით ვიღაცებს დღეს. ჩვენ, ქართული ოცნება, აუცილებლად დავაფასებთ ამ ნდობას. ეს გუნდი, რომელიც აქაა წარმოდგენილი, ვფიქრობ, ჩვენი საზოგადოების საუკეთესო ნაწილია.

ერთი რამ იცოდეთ — ქართული ოცნების გუნდი მცდელობას არ დააკლებს, რომ საქართველომ ყველა მიმართულებით საუკეთესო შედეგები მიიღოს. არ იქნება სიცრუე, არ იქნება ღალატი და არ იქნება მამაძაღლობა, ამას გპირდებით ნამდვილად. პოლიტიკას მამაძაღლობა ახლავს ამიტომ ეს სიტყვა უნდა გამოვიყენოთ.

მე დღეს შეხვედრა მქონდა უცხოელ წარმომადგენლებთან, ვინც გვაკვირდებიან. გაოცებულები არიან ჩვენი შედეგებით, რომლებიც ბოლო წლებში მივიღეთ, როგორიც არის საერთაშორისო სავალუტო პროგნოზი. ძალიან დიდი მადლობა ჩვენს ამომრჩევლებს. არ გაგიმტყუნებთ და მოგემსახურებით. ეს ის ხალხია, რომელიც თქვენს ინტერესებს გაატარებს არა ის — მე იმათზე აღარ ვისაუბრებ, ვინც ვიღაცის დაკვეთებზე ცდილობს, რომ საქართველო წაიყვანოს.

ბოლო ამბები:

ბიძინა ივანიშვილი არ იქნება სიცრუე, არ იქნება ღალატი და არ იქნება მამაძაღლობა, ამას გპირდებით ნამდვილად

კომენტარები

კვირის ტოპ-5

გირჩევთ

ახლა კითხულობენ

რუსულ ცირკში დამცავი ზღუდე ჩამოვარდა და ვეფხვი ხალხში შევარდა (ვიდეო)