წინა კვირას One Direction-ის, პოპულარული ბოი-ბენდის ყოფილი წევრი, ლიამ პეინი გარდაიცვალა. 31 წლის მომღერალი არგენტინაში მდებარე სასტუმროს მესამე სართულიდან გადმოვარდა.

One Direction-ს არსებობის განმავლობაში მილიონობით ფანი ჰყავდა, რომლებიც ჯგუფის დაშლის შემდეგაც ერთგულობდნენ მის წევრებს. ცხადია, ამ ტრაგედიამ თავად ბენდის წევრებზე და ფანებზეც უდიდესი გავლენა მოახდინა. პეინის ფანები მსოფლიოს სხვადასხვა ქალაქში შეიკრიბნენ და გარდაცვლილ პოპ-ვარსკვლავს პატივი მიაგეს.

ფოტო: BBC

კვირას ლონდონში, ჰაიდის პარკში დაახლოებით 1000 ადამიანი შეიკრიბა. ფანებმა ცრემლების თანხლებით One Direction-ის სიმღერები შეასრულეს, მათ შორის ბენდის საერთაშორისო ჰიტი, What Makes You Beautiful.

ფოტო: BBC

ლონდონის გარდა, ლიამ პეინის ფანები გლაზგოში, სიდნეიში, პარიზში და სხვა დიდ ქალაქებშიც შეიკრიბნენ. სხვადასხვა ლოკაციაზე შეკრებილმა ფანებმა მომღერლის ხსოვნის პატივსაცემად სანთლები დაანთეს, წერილები დაწერეს და ყვავილები მიიტანეს.