სკულპტურა, რომელიც მხატვარ გევინ ტურკს ეკუთვნის, კემბრიჯის რკინიგზის სადგურთან 2022 წელს საზეიმოდ გაიხსნა.

მას შემდეგ, ამ ქანდაკების მიმართ განსხვავებული მოსაზრებები ისმოდა, არიადნე, რომელიც შეფუთული და გაკოჭილია, ბევრი ადამიანის მიერ შეფასდა როგორც "მიზოგენური".

დისკურია ამ საკითხის ირგვლივ გრძელდება, მხატვრის მეუღლემ, დებორა კერტისმა განაცხადა, რომ ქანდაკება ხალხს აინტერესებს და მათ ცნობისმოყვარეობას უღვიძებს, რაც პოზიტიურ დებატებს უწყობს ხელს.

ნამუშევარი ბერძენ ქალღმერთს, არიადნეს ასახავს, რომელიც მითის თანახმად, თეზევსს დედალოსის მიერ აგებული ლაბირინთიდან გამოღწევაში დაეხმარა. არავის შეეძლო ამ ნაგებობიდან თავის დაღწევა. დედალოსმა, როდესაც კრეტას ტოვებდა, არიადნეს ჯადოსნური ძაფის გორგალი ჩააბარა და მისი ხმარების წესი ასწავლა. სწორედ ეს გორგალი მისცა ქალწულმა თეზევსს.

ფოტო: BBC

ქანდაკების მიმართ შეშფოთება პირველად ნაომი ბენეტმა კემბრიჯის საქალაქო სხდომაზე გამოთქვა, ამავე საბჭოს წევრისთვის, ჟან გლაზბერგისთვის ეს შეშფოთება გასაკვირი იყო, რადგან მისი თქმით, ის პირველად ისმენდა ამგვარ კრიტიკას ქალაქში განთავსებულ სკულპტურასთან დაკავშირებით.

"ამ ქანდაკების ყურებისას სხვადასხვა ქვეყანაში მცხოვრებ ქალებზე ვფიქრობ, რომლებიც ძალადობის მსხვერპლი არიან და ამის შესახებ ხმამაღლა საუბარი არ შეუძლიათ, თუმცა, ჩვენ ყველამ კარგად ვიცით, თუ რამდენად დიდია მათი რიცხვი", — განაცხადა გლაზბერგმა.