19 ოქტომბრის დილას, ტერორისტულმა დაჯგუფება ჰამასმა, ზღვისპირა ქალაქ კესარიაში არსებულ, ბენიამინ ნეთანიაჰუს სახლზე დრონით იერიში მიიტანა, შემთხვევის შედეგად არავინ დაშავებულა, — ინფორმაციას ისრაელის პრემიერმინისტრის ოფისზე დაყრდნობით The Times of Israel ავრცელებს.

შემთხვევის დროს ბენიამინ ნეთანიაჰუ და მისი მეუღლე სახლში არ იმყოფებოდნენ. დრონი, რომელიც პრემიერმინისტრის სახლთან აფეთქდა, ლიბანიდან გაშვებული 3 უპილოტო საფრენი აპარატიდან ერთ-ერთი იყო. დანარჩენები ისრაელის მხარემ ჩამოაგდო.

მოგვიანებით, ბენიამინ ნეთანიაჰუმ სოციალურ ქსელში ვიდეო გაავრცელა, რომელშიც აღნიშნავს, რომ "მას ვერაფერი შეაჩერებს და ისრაელი ამ ომში გაიმარჯვებს“.