თბილისში, მთაწმინდის პარკისა და რუსთაველის გამზირის დამაკავშირებელი საბაგირო გაიხსნა.

თბილისის მერი კახა კალაძე ამბობს, რომ საბაგირო მანძილს 4 წუთში დაფარავს.

"დედაქალაქს დაუბრუნდა მისი მშვენება - რუსთაველის გამზირისა და მთაწმინდის პარკის დამაკავშირებელი საბაგირო. [...] აშენდა ზედა სადგური, მოეწყო 5 საყრდენი ნაგებობა. მგზავრებს 21 ცალი 8-კაციანი გონდოლა მოემსახურება და მანძილს დაფარავს 4 წუთის განმავლობაში. საბაგირო გზა ერთი მიმართულების საათში 1200 მგზავრის გადაყვანას უზრუნველყოფს.

რეაბილიტირებული საბაგირო გზა სამართავად მთაწმინდის პარკის ადმინისტრაციას გადაეცა", — განაცხადა, თბილისის მერმა.