მზექალა შანიძე: ჩვენ ძალიან დავზარალდით იმით, რომ ევროპასთან მჭიდრო კავშირი არ გვქონდა, ამ არჩევნებში ყველამ უნდა მიიღოს მონაწილეობა

17 Oct. 2024, 15:15

"ჩვენმა ისტორიულმა წარსულმა, ევროპას საკმაოდ ჩამოგვაშორა. იზოლაციაში იყო საქართველო. სულხან-საბას მოგზაურობა ევროპაში იყო სურვილი შველის, საშველის პოვნისა და ჩვენ ძალიან დავზარალდით იმით, რომ ევროპასთან მჭიდრო კავშირი არ გვქონდა. ჩვენ სამწუხაროდ, რიცხობრივად პატარა ერი რომ ვართ ძალიან ბევრი რამ გვიშლის ხელს წინსვლაში, ძალიან ბევრს სხვა გარემოებასთან მოგვიწია ბრძოლა. დღეს უკვე მსოფლიო ისე არის დაკავშირებული, რომ ერთმანეთის მდგომარეობის მიხედვით, ჩვენ, ყველამ ჩვენი არჩევანი უნდა გავაკეთოთ. საბჭოთა დროის არჩევნები, როდესაც ერთი კაცი იყო ასარჩევი, აირჩევდი თუ არ აირჩევდი ამას აღარ ჰქონდა მნიშვნელობა და ბოლოს ხალხი ისე იყო მიჩვეული ამას, რომ აღარ დადიოდა არჩევნებზე და საარჩევნო უბნებში, როცა დამთავრდებოდა ვადა, აიღებდნენ ამ ბიულეტენებს და ერთიანად ჩაყრიდნენ ხოლმე, იყო ასეთი დრო. ამ არჩევნებში ყველამ უნდა მიიღოს მონაწილეობა, მთავარია ადამიანმა იგრძნოს, რომ ის არის ამ სახელმწიფოს მოქალაქე და უნდა მიიღოს მონაწილეობა ასეთ გადამწყვეტ საქმეში თვითონ, რომ მას აკისრია როგორც მოქალაქეობრივი ისე პირადი პასუხისმგებლობა ამაზე. თორემ თოკს ვერ მიაბამ ვერავის და თოკით ვერ წაიყვან არჩევნებზე. ამჟამად საქართველო ძალიან რთულს ეტაპს გადის და უნდა გვეყოს წინდახედულობა და ჭკუა, რომ უვნებლად გავიაროთ ეს მძიმე ეტაპი".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

საზოგადოებრივი მაუწყებლის სამეურვეო საბჭოს წევრებად გია მურღულია და დავით ქართველიშვილი აირჩიეს