დღეს, 13 სექტემბერს, შუქრუთელებსა და სახელმწიფოს წარმომადგენელ, რატი იონათამიშვილს შორის შეთანხმება შედგა, შიმშილობა წყდება, ხოლო იონათამიშვილი მათ კომპანიასთან მედიაციას გაუწევს.

იქამდე, სანამ შეთანხმება არ შედგება, პარლამენტის წინ 24 საათის განმავლობაში გაგრძელდება.

გავრცელებული ინფორმაციით, მოშიმშილეები საავადმყოფოში, რეაბილიტაციაზე წავლენ. ხოლო სხვები დარჩებიან.

სოლიდარობის აქცია ხუთშაბათს 8ზე ძალაშია ჯერჯერობით.

"როგორც იქნა, შიმშილობის 43-ე და 7 თვიანი უწყვეტი აქციის თავზე, სახელმწიფო წარმომადგენელი, ბატონი რატი იონათამიშვილი ჩაერთო ამ პროცესში და თავიდან ბოლომდე გაუწევს ზედამხედველობას— გარანტორი გახდება სახელმწიფო. ჩვენ, სახელმწიფო და კომპანია სამმხრივ ფორმატში შევთანხმდებით და საბოლოო შეთანხმებას ხელს მოვაწერთ.

დღეს, მოშიმშილე ადამიანები შეწყვეტენ შიმშილს, გადავლენ კლინიკაში და გაივლიან რეაბილიტაციის კურსს. აქცია უწყვეტ რეჟიმში, 24 საათის განმავლობაში გაგრძელდება, შემდგომი შეხვედრა სამშაბათს ჩაინიშნა და სამშაბათის შემდეგ უფრო დეტალურად გვეცოდინება ყველაფერი, ეს პროცესები არ სრულდება. ჯერ ახლა დაიწყო ეს პროცესები და იმედია მალე მივალთ სამართლიან შეთანხმებამდე. როდესაც საბოლოოდ მოხდება შეთანხმება და ხელმოწერა, ამის შემდეგ, სრულად მორჩება პროტესტი. კომპანიამაც სრულად აიღო პასუხისმგებლობა და ვალდებულება სახელმწიფოსთან, სანამ საბოლოო შეთანხმება არ შედგება, მანამდე ჩვენი სოფლის ტერიტორიაზე, არცერთ "შახტაზე" და მაღაროზე არ სამუშაოები არ შესრულდება", — განაცხადა ერთ-ერთმა შუქრუთელმა, გიორგი ნეფარიძე მარიამ ნიკურაძესთან ინტერვიუში.