ესპანეთში პოლიციამ ხუთი ადამიანი დააკავა, რომლებიც ინტერნეტში თავს ბრედ პიტად ასაღებდნენ და მოტყუებით 2 ადამიანის კუთვნილ $362,000 დაეუფლნენ.

ერთმა ქალმა, რომელიც თაღლითობის მსხვერპლი გახდა, $195,000 დაკარგა, მეორემ კი — $167,000. პოლიციამ მათთვის მხოლოდ $95,000 დაბრუნება შეძლო.

როგორც პოლიციამ განაცხადა, თაღლითები პოტენციურ მსხვერპლს ჰოლივუდის ვარსკვლავისათვის მიძღვნილ ფან-გვერდებზე ეძებდნენ, მსახიობის სახელით WhatsApp-ზე უკავშირდებოდნენ, რომანტიკულ ურთიერთობას სთავაზობდნენ, შემდეგ კი არწმუნებდნენ, რომ ერთობლივ პროექტში ინვესტიცია განეხორციელებინათ.

"იმისთვის, რომ მსხვერპლი ეპოვათ, კიბერ დამნაშავეებმა მათი სოციალური ქსელები შეისწავლეს და ფსიქოლოგიური პორტრეტი შეადგეს, რის შედეგადაც აღმოაჩინეს, რომ ორივე ქალი იყო დაუცველი და დეპრესიით იტანჯებოდა", — ნათქვამია განცხადებაში.

გამომძიებლებმა დაადგინეს, რომ თაღლითობის ფარგლებში შეიქმნა საბანკო ანგარიშების ქსელი ყალბი პირადობის დამადასტურებელი დოკუმენტების გამოყენებით.