ისრაელის არმია, კვირას ღამით, კატარის ტელეკომპანია Al-Jazeera-ს ოფისში შევიდა. ტელეარხის ოფისი იორდანეს დასავლეთ სანაპიროზე, ქალაქ რამალაში მდებარეობს.

სამხედროებმა ტელეკომპანიის თანამშრომლებს ბიუროს დახურვისა და მაუწყებლობის 45 დღით შეწყვეტის მოთხოვნის ორდერი გადასცეს.

ტელეკომპანიის სამხედროებთან მოლაპარაკებები პირდაპირ ეთერში მიმდინარეობდა, რის შემდეგაც მაუწყებლობა შეწყდა. სამხედროებმა ტელევიზიის კუთვნილი აღჭურვილობის კონფისკაცია მოახდინეს.

Al-Jazeera-ს პალესტინის ბიუროს დირექტორმა ვალიდ ალ-ომარიმ განაცხადა, რომ მაუწყებლობის შეწყვეტის ბრძანება პერსონალისთვის მოულოდნელი არ ყოფილა.

"ჩვენ გაგებული გვქონდა, რომ [ისრაელის] მთავრობა ამაზე მსჯელობდა და ოკუპირებულ დასავლეთ სანაპიროს სამხედრო ადმინისტრაციას არხის დახურვას სთხოვდა. ჩვენ უბრალოდ არ ვიცოდით, რომ ეს დღეს მოხდებოდა," — განაცხადა არხის ერთ-ერთმა ჟურნალისტმა, ნიდა იბრაჰიმმა.


პალესტინელი ჟურნალისტების სინდიკატმა ისრაელის ქმედებებს ჟურნალისტების უფლებების დარღვევა და თავისუფალ მედიაზე თავდასხმა უწოდა.

მაისში, ისრაელის მიერ დაიხურა Al-Jazeera-ს ოფისი იერუსალიმში და არხის მაუწყებლობა ქვეყანაში შეწყდა. თუმცა, ტელეკომპანია აგრძელებდა საქმიანობა პალესტინის ავტონომიაში.

ისრაელი Al-Jazeera-ს იმაში ადანაშაულებდა, რომ ისინი ღაზის სექტორში მიმდინარე მოვლენებს აშუქებდნენ.