დღეს, 20 სექტემბერს საქართველოს პრეზიდენტმა სალომე ზურაბიშვილმა რუსული კანონის საწინააღმდეგო აქციაზე დაკავებული გიორგი შანიძე შეიწყალა.

გიორგი შანიძემ სასჯელაღსრულების დაწესებულება მალევე დატოვა.

დღის პირველ ნახევარში გავრცელდა ინფორმაცია, რომ პრეზიდენტმა 1 მსჯავრდებული შეიწყალა, თუმცა სახელი აღნიშნულ ცნობაში დაკონკრეტებული არ იყო.

გიორგი შანიძეს 4 წლით თავისუფლების აღკვეთა ჰქონდა მისჯილი აქციაზე სათვალთვალო კამერის დაზიანებისა და 3 ძირი მცენარე კანაფის მოყვანისთვის.

სასამართლოს გადაწყვეტილება პოლიტიკური შურისძიების აქტად შეაფასეს ადამიანის უფლებადამცველმა ორგანიზაციებმა და აქტივისტებმა, რომლებიც ასევე აპროტესტებდნენ რუსული კანონის მიღებას საქართველოში.