ABC საკუთარ წყაროებზე დაყრდნობით ავრცელებს ინფორმაციას, რომ ისრაელის სპეცსამსახურები 15 წელი ამზადებდნენ ჰეზბოლას წევრების კუთვნილი პეიჯერების აფეთქების ოპერაციას.

ABC-ის ცნობით, ოპერაციის დაგეგმვა ისრაელის დაზვერვამ წლების წინ დაიწყო, თუმცა ამერიკელი პარტნიორების და მშვიდობიანი მოქალაქეების დაშავების მაღალი რისკის გამო თავდაპირველად გეგმას ეწინააღმდეგებოდნენ.

ოპერაციის ფარგლებში დაიგეგმა ყალბი კომპანიების შექმნა, რომლებიც თითქოს პეიჯერებითა და სხვა საკომუნიკაციო მოწყობილობებით ვაჭრობდნენ. ერთ-ერთი ასეთი კომპანია BAC consulting უნგრეთში იყო რეგისტრირებული. სპეცსამსახურების მიერ შექმნილი კომპანია იყო შუამავალი დამკვეთს — ჰეზბოლასა და ელექტრონული მოწყობილობების მწარმოებელ ტაივანურ კომპანია Apolo-ს შორის.

წყაროს ცნობით, ისრაელის სპეცსამსახურების მიერ შექმნილი კომპანიის თანამშრომელთა ნაწილმა არც იცოდა კომპანიის რეალური დანიშნულების შესახებ.

ისრაელი აღნიშნულ ოპერაციაში მონაწილეობას არც უარყოფს და არც ადასტურებს.

ამავე თემაზე: