პრეზიდენტის ადმინისტრაციაში გახარიასა და ხაზარაძეს შორის მეორე შეხვედრა მიმდინარეობს. ოპოზიციონერი ლიდერები ათონელის სასახლეში რამდენიმე წუთის წინ მივიდნენ. სავარაუდოდ, დღეს გახდება ცნობილი, შედგება თუ არა მათ შორის შეთანხმება გაერთიანების თაობაზე. ინფორმაციას ტელეკომპანია მთავარი ავრცელებს.

პრეზიდენტის ადმინისტრაციაში გუშინ, 17 სექტემბერს, გამართული შეხვედრის შემდეგ, გიორგი გახარიასა და მამუკა ხაზარაძეს შორის მორიგი შეხვედრა გაიმართა. როგორც მოლაპარაკებების შემდეგ ორმა პოლიტიკოსმა განაცხადა, შესაძლო გაერთიანების თაობაზე შეთანხმება მიღწეული არაა და კონსულტაციები კვლავ გაგრძელდება.