BBC-ის ინფორმაციით, მორალის პოლიცია ქალებს ჰიჯაბის სავალდებულო ტარებისთის აღარ შეაწუხებს, — ამის შესახებ ირანის ახალმა პრეზიდენტმა, მასუდ პეზეშკიანმა, გაეროს გაფრთხილების შემდეგ განაცხადა.

გაერომ განცხადებაში ნათქვამი იყო, რომ ირანში ქალები დრესკოდის დარღვევის გამო, სასტიკად ისჯებიან.

"მორალის პოლიცია არ უნდა ზღუდავდეს ქალებს. მე გავაკონტროლებ, რომ ისინი [ქალები] აღარ შეაწუხონ", — თქვა პეზეშკიანმა.

პეზეშკიანმა კომენტარი 22 წლის მაჰსა ამინის მკვლელობის ორი წლის თავზე გააკეთა. ახალგაზრდა ქალი ჰიჯაბის არასწორად ტარების გამო დააკავეს, რამაც ქვეყანაში მასობრივი პროტესტი გამოიწვია.

გაერომ გასულ კვირას განაცხადა, რომ ირანის მთავრობა გააძლიერებს ძალისხმევას ქალთა უფლებების დასაცავად.

ამის საპასუხოდ, 16 სექტემბერს, პეზეშკიანმა თქვა, რომ მორალის პოლიცია აღარ უნდა დაუპირისპირდეს ქალებს ქუჩაში.

მასუდ პეზეშკიანი ირანის უკანასკნელი პრეზიდენტის იბრაჰიმ რაისის ტრაგიკული სიკვდილის შემდეგ აირჩიეს. მას პოტენციურად რეფორმისტ ლიდერად მიიჩნევენ.