The Guardian-ის ცნობით, ფატალური შედეგები მოჰყვა ცენტრალურ და აღმოსავლეთ ევროპაში გადაუღებელ წვიმასა და ქარიშხალ "ბორისს".

ცუდმა ამინდებმა საბედისწეროდ იმოქმედა პოლონეთზე, ჩეხეთზე, სლოვაკეთზე, სამხრეთ გერმანიის ალპურ რეგიონებზე, ავსტრიასა და უნგრეთზე. წვიმა უკვე რამდენიმე დღეა, რაც აქტიურად ტბორავს ქალაქებს.

მედიის თქმით, კატასტროფულმა წვიმებმა და წყალდიდობამ ადამიანების სიცოცხლე შეიწირა. ალპების მაღალმთიანი რეგიონები თოვლმა დაფარა, ხოლო ძლიერმა ქარმა დიდი თოვლის ფორმირებას შეუწყო ხელი. ამავდროულად, გასული კვირის ცხელმა ამინდებმა ალპურ რეგიონებში თოვლი დაადნო, რამაც მდინარეების ადიდება გამოიწვია.

CNN-ის ინფორმაციით, ცენტრალურ ევროპაში, დატბორვის შედეგად, დაახლოებით 10 ადამიანია გარდაცვლილი. მათგან ორი 70 და 80 წლის მამაკაცია.

მედიის ცნობით, ჩეხეთის საზღვრებთან, 280 000 მოსახლე ელექტროენერგისა და ცხელი წყლის გარეშე დარჩა.