10 ილუსტრაცია ქალების შეუპოვარ ბუნებაზე — აზერბაიჯანელი კარიკატურისტის ნამუშევრები

ამ შესაძლებლობებით სავსე სამყაროში, ერთი რამ ჭეშმარიტად ცხადია: ქალებს შეუძლიათ მიღწიონ ყველაფერს, რაც სურთ და რაზეც ფიქრობენ. ისინი მუდმივად აჩვენებენ თავიანთ უსაზღვრო პოტენციალსა და შეუპოვარ მონდომებას. იბრძვიან სამართლიანობისთვის, თანასწორობისთვის. პატრიარქალურ სამყაროში გზად შეხვედრილი უამრავი წინააღმდეგობის მიუხედავად, მაინც ახერხებენ, მათი ხმა ყველა სფეროში ძალიან მკაფიოდ და ხმამაღლა ისმოდეს.

ქვემოთ მოცემული ილუსტრაციების ავტორი 1966 წელს აზერბაიჯანში დაბადებული სეირან ჯაფერლია. მისი პირველი ნამუშევრები კომიქსების ჟურნალში KIRPI 1982 წელს დაიბეჭდა. მონაწილეობა აქვს მიღებული არაერთ საერთაშორისო გამოფენასა და კონკურსში.

2002 წელს შეიქმნა "აზერბაიჯანის კარიკატურისტთა კავშირი" და 2006 წლამდე მუშაობდა ამ ორგანიზაციის პრეზიდენტად. სეირან ჯაფერლი იყო კარიკატურისტთა საერთაშორისო კონკურსის "მოლა ნასრედინის" ორგანიზატორი, ეს იყო პირველი კონკურსი აზერბაიჯანის ისტორიაში, რომელიც 4 წელი გაგრძელდა. ამჯერად ჯაფერლი Humortoons International-ის ვებსაიტის დირექტორი და ჟურნალ Humor-ის მთავარი რედაქტორია.

1. როდესაც უბრალოდ საკუთარი მიზნისთვის იბრძვი

2. ქალებს პოლიტიკაში დიდი ძალა აქვთ

3. როდესაც არათანაბრად განაწილებული საოჯახო საქმეები შენს მხრებზე ნაწილდება თანაბრად

4. ქალებისთვის ნებისმიერი ბარიერის გადალახვა შესაძლებელია

5. ქალების ხმა ყველგან უნდა ისმოდეს

6. ირანელი უფლებადამცველი ნარგეს მოჰამადი, რომელმაც 2023 წელს მშვიდობის დარგში ნობელის პრემია პატიმრობაში მყოფმა მიიღო

7. სიმართლისა და სამართლის ძიებაში ქალები ხშირად სრულიად მარტო რჩებიან

8. თუმცა არ უნდა დაგვავიწყდეს, რომ თემიდა სამართლიანობის ქალღმერთი იყო

9. ქალებისთვის შეიძლება სიყვარულიც დიდ ძალად იქცეს

10. ყველაფერთან ერთად ქალებს თავგანწირვაც შეუძლიათ

ბოლო ამბები:

გირჩევთ