სელებრითებმა ქალთა უფლებების დასაცავად სამ მილიონ დოლარზე მეტი შეაგროვეს

ნიუ-იორკში მსოფლიოს წამყვანი ბიზნეს ჯგუფის, კერინგის ყოველწლიური საღამო "Caring for Women” ("ქალებზე ზრუნვა") ჩატარდა, რომლის მიზანიც ქალთა უფლებების დამცავი არასამთავრობო ორგანიზაციების მხარდაჭერა და მათთვის თანხების მობილიზებაა.

მართალია, საღამო სელებრითებისთვის აქტიურ პერიოდს დაემთხვა — ვენეციისა და ტორონტოს კინოფესტივალი, ნიუ-იორკის მოდის კვირეული — თუმცა ჰოლივუდის წამყვანმა სახეებმა ამ მნიშვნელოვან ღონისძიებაზე დასასწრები დრო მაინც გამონახეს. სელმა ჰაიეკი, ჯესიკა ჩესტეინი, ლეონარდო დიკაპრიო,

კიმ კარდაშიანი, ორლანდო ბლუმი, ქეითი პერი, ჯულიან მური, მეთიუ მაკკონაჰი — ეს იმ სელებრითების არასრული ჩამონათვალია, რომლებიც ორშაბათ საღამოს "Caring for Women” -ზე ვიხილეთ.

ჯესიკა ჩესტეინი და მეთიუ მაკკონაჰი

ფოტო: Getty Images

საქველმოქმედო საღამოზე მსახიობებმა, მომღერლებმა და სხვა ინდუსტრიებში მოღვაწე ცნობილმა სახეებმა სამი არასამთავრობო ორგანიზაციისთვის 3 მილიონ დოლარზე მეტი შეაგროვეს. ეს ორგანიზაციებია: Girl Effect, რომელიც აფრიკულ ქვეყნებში მცხოვრებ ახალგაზრდა გოგოებს განათლების მიღებაში ეხმარება, It’s on Us, რომელიც უნივერსიტეტის კამპუსებში სექსუალური ძალადობის შემცირებაზე მუშაობს და National Network to End Domestic Violence (ოჯახური ძალადობის შეწყვეტის ეროვნული კავშირი), რომელიც ამერიკის შეერთებულ შტატებში არსებულ 2000-ზე მე

ტ ორგანიზაციას აერთიანებს, რომლებიც ქალებს ოჯახური ძალადობისგან თავის დაღწევაში ეხმარება.