ესპანეთში პაემნების ორიგინალურად ჩანიშვნის ტრენდი გავრცელდა — თუკი სუპერმარკეტში ყოფნისას შენს კალათში ანანასს თავდაყირა დადებ, მეორე ადამიანს კოდურად ანიშნებ, რომ მზად ხარ მის გასაცნობად.

ბოლო დღეებში, ბევრი მარტოხელა ესპანელი ესტუმრა სუპერმარკეტების ქსელ Mercadona-ს, სადაც საღამოს 7-დან 8 საათამდე მათ საკუთარი მეორე ნახევრის გაცნობა შეეძლოთ.

@ffdamoncito Son las 19:00 en Mercadona pero no me funciona 🤣🍍 #mercadona #piña #mercadonatiktok #ligar #viral #humor ♬ sonido original - locurasdelsur

როგორც ჩანს, ამ ფაქტის უკან მსახიობი და იუმორისტი ვივი ლინი უნდა იდგეს, რომელმაც TikTok-ზე გამოაქვეყნა ვიდეო, სადაც ამბობს:

"მერკადონაში შეხვედრის დროა საღამოს 7 საათიდან 8 საათამდე" .

ამ ტრენდმა ბევრი არეულობა და ხმაურიც გამოიწვია, მაგალითად ბილბაოში, Mercadona-ს ფილიალში, პოლიციის გამოძახებაც კი გახდა საჭირო.

ფოტო: BBC

სიმღერამ, რომელიც ინტერნეტში ვირუსულად გავრცელდა, კიდევ უფრო მეტად განაპირობა ამ ტრენდის წარმატება:

"ღვინის განყოფილებაში გული მიჩქარდება, ვინმე განსაკუთრებულს ვეძებ, რომელიც ასე სჭირდება ჩემს სულს“.

თუმცა, ერთი შეხედვით უწყინარმა ტრენდმა საკმაოდ ბევრი პრობლემაც შექმნა, მათ შორის, მაღაზიის თანამშრომლებისთვის, ტრენდს ასევე კრიტიკულად შეხვდნენ სოციალურ ქსელებშიც, კომპანიამ კი განაცხადა, რომ ეს ტრენდი მათი თვითმიზანი სულაც არ ყოფილა და ყველაფერი სპონტანურად დაიწყო.