საპატრიარქოს საზოგადოებასთან ურთიერთობის სამსახურის ხელმძღვანელის, ანდრია ჯაღმაიძის თქმით, ქართული ოცნების მხრიდან შეთავაზება იყო კონსტიტუციურ ჩანაწერზე. შესაბამისად, ამ ჩარჩოში იქნება განხილვები. მისივე თქმით, დღეს საპარტიარქოში გამართულ შეხვედრას ქართული ოცნების წარმომადგენლები არ დაესწრებიან.

შეგახსენებთ, რომ დღეს საპატრიარქოში მართლმადიდებლობის სახელმწიფო რელიგიად გამოცხადების საკითხზე მსჯელობის მიზნით მღვდელმთავრები შეიკრიბნენ.

შეხვედრის დაწყებამდე, ფოთისა და ხობის მიტროპოლიტმა გრიგოლ ბერბიჭაშვილმა განაცხადა, რომ 2002 წელს, როდესაც მზადდებოდა კონსტიტუციური შეთანხმება სხვადასხვა ვერსიები და ვარიანტები იქნა შესწავლილი და არჩეული იქნა საუკეთესო.

"როდესაც გამოცხადდა ასეთი კონსტიტუციური შეთანხმების თემა გადაწყვეტილად, რომ ხელმოწერილი უნდა ყოფილიყო,მანამდე ყველა საკითხი იქნა გავლილი და საუკეთესო იქნა შერჩეული. მოითმინეთ, მე არ ვიცი, რას გვთავაზობს. რომ გამოვალ გეტყვით. გავარკვევ, რას გვთავაზობენ და გეტყვით პასუხს, ისე არ წავალ. გითხარით, 2002 წელს, როდესაც მზადდებოდა კონსტიტუციური შეთანხმება სხვადასხვა ვერსიები და ვარიანტები იქნა შესწავლილი და არჩეული იქნა საუკეთესო. ამაზე მეტი, რა გითხრათ?! მაშინ, რა უნდა ყოფილიყო პატრიარქის პოზიცია? — რაც ხელმოწერილი იქნა ის იყო", — განაცხადა მეუფე გრიგოლმა.