სოციალური მედია პლატფორმა Telegram-ის დამფუძნებელმა, 39 წლის რუსმა მილიარდერმა დაპატიმრებამდე ერთი თვით ადრე Telegram-ზე დაწერა, რომ 15 წლის მანძილზე სპერმის დონორი იყო და მსოფლიოს 12 ქვეყანაში 100-ზე მეტი შვილი ჰყავდა.

"ახლახან მითხრეს, რომ 100-ზე მეტი ბიოლოგიური შვილი მყავს. როგორ გახდა ეს შესაძლებელი ბიჭისთვის, რომელიც არასოდეს ყოფილა ქორწინებაში და მარტო ცხოვრება ურჩევნია?
…2024 წლამდე, ჩემი დონორობა ასზე მეტ წყვილს 12 ქვეყანაში შვილების გაჩენაში დაეხმარა", – აცხადებს დუროვი.

პაველ დუროვი რუსეთში დაიბადა და დუბაიში ცხოვრობს. მას არაბთა გაერთიანებული საამიროებისა და საფრანგეთის ორმაგი მოქალაქეობა აქვს. რადიო თავისუფლება წერს, რომ მას არა თუ ორმაგი, ოთხმაგი მოქალაქეობა აქვს და გაერთიანებული საამიროებისა და საფრანგეთის გარდა, ის რუსეთის და კენძულ სენტ-კიტსისა და ნევისის მოქალაქეა.

რაც შეეხება დუროვის ქონებას, FORBES-ის მილიარდერების რეიტინგში დუროვი 120-ე ადგილზეა და მისი ქონება 15,5 მილიარდ დოლარს შეადგენს.

შეგახსენებთ, რომ სოციალური მედია პლატფორმა Telegram-ის დამფუძნებელი, 39 წლის პაველ დუროვი, პარიზის აეროპორტში 25 აგვისტოს დააპატიმრეს. იმავე დღეს საფრანგეთის სასამართლომ Telegram-ის დამფუძნებელს პატიმრობა კიდევ 48 საათით გაუხანგრძლივა. მას ბრალი ედება ნარკოტიკების რეალიზაციაში, პედოფილიასთან დაკავშირებული მასალის გავრცელებასა და თაღლითობაში.

გაიგეთ მეტი Telegram-ის დამფუძნებელზე:

საფრანგეთის სასამართლომ Telegram-ის დამფუძნებელს პატიმრობა კიდევ 48 საათით გაუხანგრძლივა.

Telegram პაველ დუროვის დაკავებას ეხმაურება.