იტალიური მედიის ცნობით, ქალაქ რომში მძარცველი მას შემდეგ დააკავეს, რაც ქურდობისას ბერძნული მითოლოგიის შესახებ წიგნის წასაკითხად შეჩერდა.

გავრცელებული ინფორმაციით, 38 წლის მამაკაცი იტალიის დედაქალაქის პრატის რაიონში მდებარე ბინაში შეიჭრა, მაგრამ ყურადღება საწოლზე დადებულმა ჰომეროსის ილიადის მიხედვით დაწერილმა წიგნმა გაუფანტა. წიგნი The Gods at Six O'Clock ბერძნულ მითოლოგიაზეა, მისი ავტორი კი ჯოვანი ნუჩია.

როგორც ამბობენ, ბინის მეპატრონემ, რომელიც 71 წლისაა, სწორედ ამ დროს გაიღვიძა და წიგნში ჩაფლულ ქურდს დაუპირისპირდა.

ამ წარუმატებელი ქურდობის ამბავმა წიგნის ავტორის ყურადღებაც მიიქცია, რომელმაც ადგილობრივ მედიას განუცხადა, რომ სურდა მამაკაცისთვის წიგნის ასლი გაეგზავნა, რათა მას წიგნის "დასრულება" შესძლებოდა.

ეჭვმიტანილმა სცადა იმავე აივნიდან გაქცეულიყო, საიდანაც ბინაში შეიჭრა, თუმცა მისი მცდელობა წარუმატებელი აღმოჩნდა და ადგილობრივმა პოლიციამ მალევე დააკავა.

"მინდა ეს ადამიანი ვიპოვო, რომელიც ჩემი წიგნის კითხვისას დააკავეს და წიგნი გადავცე, რადგან კითხვა შუა გზაზე შეწყვიტა, ეს ერთი შეხედვით სიურრეალისტური ამბავია, მაგრამ თან სავსეა ადამიანურობით, ჩემი საყვარელი ღმერთი ჰერმესია, რომელიც ქურდებისა და ოინბაზების შემწეც იყო, ის ასევე ლიტერატურის ღმერთიცაა. ჩემთვის გასაგებია: ყველაფერი ერთმანეთს ემთხვევა" — განაცხადა ჯოვანი ნუჩიმ, წიგნის The Gods at Six O'Clock-ის ავტორმა.