2024 წელს მასწავლებლის ეროვნული პრემიის გადაცემის ცერემონია 13 სექტემბერს გაიმართება.

საქართველოს განათლების, მეცნიერებისა და ახალგაზრდობის სამინისტროს ინფორმაციით, სპეციალურმა კომისიამ საუკეთესო ისტორიის მქონე 10 კანდიდატი უკვე შეარჩია. შერჩეულ პედაგოგებს საზოგადოებისა და განათლების სისტემის განვითარებაში შეტანილი განსაკუთრებული წვლილისთვის ეროვნული პრემია –სამკერდე ნიშანი და ფულადი ჯილდო 10 000 ლარის ოდენობით გადაეცემა.

საზოგადოების ყურადღება მასწავლებელთა ეროვნული პრემიის ჟიურის წევრებმა მიიქციეს. სპეციალურად დაკომპლექტებულ კომისიაში, განათლების, მეცნიერებისა და ახალგაზრდობის მინისტრის, მოადგილეებისა და ცნობილი პედაგოგების გარდა, ძიუდოისტი და ოლიმპიური ჩემპიონი ლაშა ბექაური, ტელეწამყვანი ნოე სულაბერიძე, მსახიობები თემიკო ჭიჭინაძე და ნანა შონია, თეატრმცოდნე ნიკოლოზ წულუკიძე, პარლამენტარი ქეთევან დუმბაძე და დიპლომატი და პოლიტიკოსი და ეროვნული ბიბლიოთეკის დირექტორი კონსტანტინე გამსახურდია არიან.