როგორც ჩანს, ადელის ურთიერთობამ სერიოზული სახე მიიღო და მომღერალი დაქორწინებას აპირებს.

ადელის შეყვარებული სპორტული აგენტი რიჩ პოლია, რომელსაც 2021 წლიდან ხვდება. რომანტიკული ურთიერთობის დაწყებამდე, წყვილმა რამდენიმე წლით ადრე გაიცნო ერთმანეთი საერთო მეგობრის წვეულებაზე ცეკვისას.

ფოტო: Getty Images

9 აგვისტოს ინტერნეტში ადელის მიუნხენში ჩატარებული კონცერტიდან ვიდეო გავრცელდა, რომელშიც ჩანს, რომ მომღერალი ერთ-ერთ დამსწრის პოსტერზე წარწერას კითხულობს. "ცოლად გამომყვები?" — წერია პოსტერზე, რაზეც ადელმა ფანს უპასუხა რომ მასზე ვერ დაქორწინდება, რადგან უკვე დანიშნულია.

ცოტა ხნის წინ ადელის განცხადება გავრცელდა, სადაც მუსიკოსი ამბობს, რომ დიდი კარიერული შესვენების აღება სურს და ახალი ალბომის გამოშვებას ჯერ არ აპირებს.