საფრანგეთის, გერმანიის და დიდი ბრიტანეთის ლიდერები, ცეცხლის შეწყვეტის მოწოდებასთან ერთად, ჰამასისგან ტყვეების გათავისუფლებას და ღაზაში"შეუზღუდავი" ჰუმანიტარული დახმარების უზრუნველყოფას ითხოვენ.

საერთო განცხადებას შეერთებული შტატები, კატარი და ეგვიპტეც შეუერთდნენ.

შუამავლები სამი თვის განმავლობაში ცდილობდნენ მხარეების დათანხმებას სამ ეტაპიან გეგმაზე, რომლის მიხედვითაც ჰამასი გაათავისუფლებს 7 ოქტომბრის დროს დატყვევებულ მძევლებს, ისრაელის მიერ დაპატიმრებული პალესტინელების სანაცვლოდ, ხოლო ისრაელის დათანხმებას ღაზადან გასვლის თაობაზე.

"ბრძოლა უნდა დასრულდეს ახლა, და ჰამასმა უნდა გამოუშვას ყველა ტყვე. ღაზაში მცხოვრები ადამიანებს სჭირდებათ სასწრაფო, შეუზღუდავი მიწოდება და განაწილება ჰუმანიტარული დახმარების", — წერია, ერთობლივ განცხადებაში.

განცხადების ტექსტს ხელი მოაწერეს, საფრანგეთის პრეზიდენტმა იმანუელ მაკრონმა, გერმანიის კანცლერმა ოლაფ შოლცმა და ბრიტანეთის პრემიერ მინისტრმა კირ სტარმერმა.

ისინი მოუწოდებენ ირანს და მის მოკავშირეებს, თავი შეიკავონ ნებისმიერი საპასუხო თავდასხმისგან, რომელიც რეგიონში დაძაბულობას კიდევ უფრო გაამწვავებს, მით უმეტეს, გასულ თვეში ბეირუთსა და თეირანში ორი მაღალი რანგის მებრძოლის მკვლელობის ფონზე.