ნახვამდის, ქითი?! ის, რაშიც ეჭვი აქამდე არავის შეუტანია, მტკნარი სიცრუე აღმოჩნდა — ყველასთვის საყვარელი პერსონაჟი Hello Kitty თურმე კატა კი არა, ადამიანია!

ჯილ ქუქმა, Sanrio-ს საცალო ბიზნესის განვითარების დირექტორმა Today-სთან საუბრისას აღნიშნა, რომ Hello Kitty კატა არაა. "რეალურად, ქითი პატარა გოგონაა, რომელიც ლონდონში დაიბადა და გაიზარდა, ჰყავს დედ-მამა და ტყუპისცალი და მიმი, რომელიც მისი საუკეთესო მეგობარია," — თქვა Hello Kitty-ს შემქმნელი კომპანიის წარმომადგენელმა ქუქმა.

Hello Kitty მსოფლიოს ერთ-ერთი ყველაზე ცნობილი პერსონაჟია, რომლის სახე გვხვდება მულტფილმებში, სერიალებში, ჩანთებზე, რვეულებზე, და ყველა ნივთზე, რომლის წარმოდგენაც შეგიძლიათ. ის უამრავი ადამიანის სტილის, პირადი ესთეტიკისა და შემოქმედების შთამაგონებელია. ინფორმაცია მის ადამიანობაზე ქითის ფანებისთვის დაუჯერებელი აღმოჩნდა, რადგან გოგონას კატის მსგავსი ყურები და ულვაშები აქვს, თუმცა, როგორც ჩანს, ახალ რეალობასთან შეგუება მოგვიწევს.

ფოტო: Sanrio