წარმომადგენელთა პალატის ყოფილმა სპიკერმა, ნენსი პელოსიმ სატელეფონო საუბარში უთხრა აშშ-ის პრეზიდენტს, ჯო ბაიდენს, რომ გამოკითხვების თანახმად, ის ვერ შეძლებს დონალდ ტრამპის დამარცხებას შემოდგომაზე, საპრეზიდენტო არჩევნებში.

CNN-ის ინფორმაციით, ბაიდენმა პელოსის მოსაზრება არ გაიზიარა და უთხრა, რომ მას აქვს ნანახი გამოკითხვების შედეგები, რომლის მიხედვითაც არჩევნებში გამარჯვება შეუძლია.

თეთრი სახლის სპიკერმა, ენდრიუ ბეითსმა CNN-ს სატელეფონო საუბრის დეტალების შესახებ კითხვას არ უპასუხა.

"პრეზიდენტი ბაიდენი არის პარტიის კანდიდატი. ის აპირებს გამარჯვებას და ელის მუშაობის დაწყებას დემოკრატ კონგრესმენებთან ერთად, რათა შეასრულოს 100-დღიანი დღის წესრიგი, მშრომელი ოჯახების დასახმარებლად", — თქვა ბეითსმა.