რკინიგზელთა ახალი პროფკავშირი აცხადებს, რომ ხარაგაულში, სადაც დღეს სარკინიგზო ხაზის მშენებლობაზე მუშები დაშავდნენ, ადგილზე დარღვევები იყო. მათივე ცნობით, მიმდინარე წლის მაისში, სამუშაო ადგილი პროფესიული კავშირის სპეციალისტებმა შეისწავლეს და აღმოჩენილ დარღვევებთან დაკავშირებით, დამსაქმებელს შესაბამისი რეკომენდაციებით მიმართეს:

"ხარაგაულში, სს საქართველოს რკინიგზის დაკვეთით, სარკინიგზო ხაზის მშენებლობას შპს ჩინეთის რკინიგზის 23-ე ბიურო ხელმძღვანელობს. საქართველოს რკინიგზელთა ახალი დაგეგმილი რემონიტორინგის პროცესი სექტემბრის თვეში უნდა შემდგარიყო, შესაბამისად ჩვენთვის ამ ეტაპზე უცნობია, რამდენად შეასრულა დამსაქმებელმა რეკომენდაციები".

დღეს, ხარაგაულის რაიონის სოფელ ბეჟათუბანში, სარკინიგზო ხაზის მშენებლობაზე გვირაბის ფრაგმენტი ჩამოინგრა. მძიმედ დაშავდა ორი მუშა. რკინიგზელთა პროფკავშირის ცნობით, მათ შორის ერთის, თამაზ ტალახაძის ჯანმრთელობის მდგომარეობა კრიტიკულია.

საქმეზე გამოძიება სისხლის სამართლის კოდექსის 240-ე მუხლით (სამთო, სამშენებლო ან სხვა სამუშაოს წარმოებისას უსაფრთხოების წესის დარღვევა) დაიწყო.