მოკლედ: შინაგან საქმეთა სამინისტროს ინფორმაციით, ადამიანით ვაჭრობის (ტრეფიკინგი) და განსაკუთრებით მძიმე დანაშაულის შეუტყობინებლობის ბრალდებით, 4 პირი დააკავეს.

  • დანაშაულები 14 წლამდე პატიმრობას ითვალისწინებს.

დეტალები: ადამიანით ვაჭრობის ბრალდებით დაკავებულია წარსულში ნასამართლევი სამი პირი, ხოლო განსაკუთრებით მძიმე დანაშაულის შეუტყობინებლობის ბრალდებით დაკავებულია, ასევე წარსულში ნასამართლევი ერთი პირი.

გამოძიებით დადგინდა, რომ ბრალდებულებმა ადამიანით ვაჭრობის გეგმა შეიმუშავეს. გეგმის სისრულეში მოყვანის მიზნით გადაიბირეს შეზღუდული შესაძლებლობის მქონე მოქალაქე და სექსუალურ ექსპლუატაციას უწევდნენ.

  • კერძოდ, დაზარალებულს, ფსიქოლოგიური ძალადობის გამოყენებით, სხვა პირებისთვის, გარკვეული ანაზღაურების სანაცვლოდ, სექსუალური მომსახურების გაწევას აიძულებდნენ.
  • ბრალდებულები ამ გზით მიღებულ თანხას კი პირადად ისაკუთრებდნენ.