მმართველი პარტიის, ქართული ოცნების თბილისის მერობის კანდიდატი კახა კალაძე აცხადებს, რომ მისი არჩევის შემთხვევაში, ერთ-ერთი მიმართულება თბილისის ღამის ცხოვრების განვითარება იქნება. ამის შესახებ, კახა კალაძე ვიდეომიმართვას ავრცელებს:

"ეს არა მხოლოდ გართობა ან დასვენებაა, პირიქით, ეს პირდაპირ კავშირშია ახალი სამუშაო ადგილების შექმნასთან".

კახა კალაძე მიიჩნევს, რომ ტურისტული განვითარების მთლიან კონცეფციაში ერთ-ერთ მიმართულებად ღამის თბილისის კეთილმოწყობა განიხილება:

"ჩვენ ვფიქრობთ, რომ ეს ერთის მხრივ იქნება სტიმული დასვენებისა და ამ მიმართულებით, ბიზნესის კეთების, მეორეს მხრივ ეს იქნება ღამის წესრიგის დამყარება, უსაფრთხოების უზრუნველყოფა და ხმაურის და სიწყნარის ზომების გააზრებული გამიჯვნა და დაგეგმარება. ეს პროექტი არის მთლიანად ახალგაზრდული, მათი ინეტერესის და მოტივაციის სფერო".

კალაძის თქმით, უახლოეს მომავალში ის ყველა იმ პროექტსა და ხედვებს წარმოადგენს, რის განხორციელებასაც მერად არჩევის შემთხვევაში გეგმავს.