მოკლედ: საქართველოს მესამე პრეზიდენტის, მიხეილ სააკაშვილის თქმით, პარტია ერთიანი ნაციონალური მოძრაობა მზად არის, კვოტების ნახევარი სხვა პარტიებს გადაუნაწილოს.

  • ამის შესახებ სააკაშვილმა დღეს, 3 ივნისს, სასამართლო სხდომაზე დისტანციურად ჩართვისას განაცხადა.

დეტალები: სააკაშვილი ერთიან ნაციონალურ მოძრაობას მოუწოდებს, დათვალონ თითოეული პარტიის რეიტინგი: "მზად ვართ, როგორც პარტია, ჩვენი კვოტების ნახევარი გადავუნაწილოთ სხვა პარტიებს. მთლიანად განაწილება არ გამოვა, იმიტომ, რომ ამომრჩეველი წარმოდგენილი უნდა იყოს, თორემ ამის გამკეთებლებიც ვიყავით".

  • სააკაშვილის თქმით, უახლოეს საათებში, ერთიანი ნაციონალური მოძრაობა, მისი მხარდაჭერით, ხელს მოაწერს პრეზიდენტ სალომე ზურაბიშვილის "ქართულ ქარტიას".
  • "ჩვენ ვართ ერთიანობის მომხრე, მთლიანად ვუჭერთ მხარს ამ ქარტიის სულისკვეთებას, ძალიან მნიშვნელოვანია, მაქსიმალური რაოდენობის პოლიტიკური ძალები მივიდეს", — თქვა სააკაშვილმა.

ამ თემაზე: გახარიას პარტია პრეზიდენტის "ქართულ ქარტიას" ხელს არ მოაწერს