მოკლედ: პარლამენტთან მიმდინარე მშვიდობიანი საპროტესტო აქციის მონაწილეებს შენობასთან დამონტაჟებული სცენიდან პერიოდულად მიმართავენ აქციის ორგანიზატორები და რუსული კანონის საწინააღმდეგოდ განწყობილი საზოგადოებისთვის ცნობილი ადამიანები.

რამდენიმე წუთის წინ: დემონსტრანტებს რატი ამაღლობელმა მიმართა:

  • "მომიტინგეები არიან პარლამენტის შესასვლელთანაც, ჩვენ შეგვიძლია გავერთიანდეთ და შევუერთდეთ მათ. დღეს ყველგან საქართველოა, დღეს ყველგან ჩვენ ვართ", — თქვა მან.
  • სიტყვით გამოსვლისას ამაღლობელმა ასევე განაცხადა, რომ ეს არის ბრძოლა "საქართველოს გაზაფხულისთვის, დღის სინათლისთვის", რათა ერთხელ და სამუდამოდ განვდევნოთ ჩრდილოეთი საქართველოდან.

მშვიდობიანი პროტესტის მონაწილეებს მიმართა ბექა ყორშიამაც, მთავარი არხის წამყვანმა.

  • მისი თქმით, პარლამენტის შენობის ირგვლივ (ჭიჭინაძისა და ჩიტაძის ქუჩებზე) არის მოწყობილი სპეციალური ადგილები, სადაც, იმის გათვალისწინებით, რომ პროტესტი მთელი ღამე გაგრძელდება, აქციის მონაწილეებისთვის უზრუნველყოფილია სასმელი წყალი, საჭმელი, ასევე, ბიოტუალეტი:
  • ბექა ყორშია: "ჭიჭინაძის ქუჩის ბოლოს არიან ადამიანები, რომლებიც მოგაწვდიან საკვებს, სასმელსა და სხვა ინვენტარს, რომელიც სასიცოცხლოდ მნიშვნელოვანია ჩვენთვის. ასევე, ჯორჯაძის ქუჩის ჩაყოლებაზე, ბოლოშია საპირფარეშოები."

ბოლო ხაზი: პარლამენტთან მიმდინარე მშვიდობიანი აქციის პარალელურად, თავისუფლების მოედანზე წყლის ჭავლის მანქანებია მობილიზებული.

ამავე თემაზე: ბარები, სადაც აქციის მონაწილეებს დახმარებას, ტელეფონის დატენვასა და შესვენებას სთავაზობენ