რატი ამაღლობელი: ჩვენ ხვალ ერთად უნდა გავუთენოთ ამ ქვეყანას, ამდენივე უნდა ვიყოთ და კიდევ მეტი

11 May. 2024, 22:02

დღეს დაიძრა საქართველო ყველა მიმართულებიდან. გამოუყვა მტკვარს, 300 არაგველს, გაერთიანდა მარცხენა და მარჯვენა. ჩვენი მოძრაობა დაიწყო 9 აპრილს, პირველი მარში 9 აპრილს იყო. ჩვენ უნდა გავიმარჯვოთ 26 მაისს. ერთად უნდა ვიზეიმოთ 26 მაისი. გაუმარჯოს ჩვენს გზას 9 აპრილიდან 26 მაისამდე. გამოვიარეთ მთელი რუსთაველი, გამოვიარეთ მარცხენა და მარჯვენა სანაპირო და მოვედით თბილისის გულში, საქართველოს ისტორიის გულში. ჩვენი გული ფეთქავს. ჩვენ ჩვენი გულებიდან ავანთეთ საქართველო, გავათბეთ საქართველო, როგორც ვარსკვლავი, ელვარე ვარსკვლავი, ჩაუქრობელი ვარსკვლავი ევროკავშირის დროშაზე.

ნაცნობებო და უცნობებო, ადამიანებო, რომლებიც იცნობთ ერთმანეთს საქართველოთი, საქართველოს სიყვარულით, მოკიდეთ ერთმანეთს ხელები ვინც გვერდზე დგახართ. მოკიდეთ ხელები და აწიეთ მაღლა. ეს არის საქართველო — თავისუფალი, ლაღი, მოძრავი, დენადი, შეუჩერებელი.

ჩვენ ხვალ ერთად უნდა გავუთენოთ ამ ქვეყანას. ერთად უნდა გავუთენოთ და ამდენივე უნდა ვიყოთ და კიდევ მეტი. ავანთოთ ფარნები, ავანთოთ, დავანახოთ მსოფლიოს, დავანახოთ სამყაროს.

ბოლო ამბები: