რა ხდება: ხვალ, 22 საათზე რუსული კანონის საპროტესტო აქცია პარლამენტის შენობასთან იგეგმება.

  • ორგანიზატორები აქციის მონაწილეებს ღამისთევისკენ მოუწოდებენ.

დეტალები: პარლამენტში რუსული კანონის მესამედ მოსმენა ზეგ, 13 მაისს, საკომიტეტო სხდომაზე იგეგმება.

სხდომა დილის 9 საათზეა დანიშნული.

  • "ჩვენ უნდა ჩავხედოთ ამ 83-ს [ქართული ოცნების დეპუტატს] თვალებში. მათ არ უნდა მიიღონ რუსული კანონი, ამიტომ ჩვენ ბევრნი უნდა ვიყოთ.
  • ხვალ საღამოს, 10 საათიდან უნდა შევიკრიბოთ, ტრადიციულად, ჩვენს ეროვნულ, წმინდა და ანტირუსულ ადგილას, პარლამენტის წინ და გავათენოთ საქართველოსთვის. რაც მეტი ვიქნებით და რაც მეტად არ დავიღლებით, მით უფრო მალე გაიტანენ რუსულ კანონს უკან.
  • მთელი მსოფლიო ჩვენ შემოგვცქერის, ახლა თბილისია ევროპის დედაქალაქი," — თქვა მწერალმა ლაშა ბუღაძემ ევროპის მოედანზე მიმდინარე აქციაზე.

ბოლო ხაზი: ევროპული მარშის ფარგლებში, ხალხის მრავალრიცხოვანი ნაკადების მსვლელობა, სულ ცოტა ხნის წინ, ევროპის მოედანზე დასრულდა.

  • ამ წუთებში მოედანი, სანაპირო ქუჩები და მიმდინარე ტერიტორია ხალხით არის სავსე.
  • მასშტაბური აქციის მონაწილეები მოითხოვენ, ხელისუფლებამ უკან გაიწვიოს რუსული კანონი.