იტალიაში, ქალაქ მილანში, ბინების გაქურდვის ბრალდებით საქართველოს ოთხი მოქალაქე დააკავეს. როგორც იტალიური მედიასაშუალება Corriere Della Sera წერს, კრიმინალური დაჯგუფების დასაკავებლად სამთვიანი გამოძიება მიმდინარეობდა.

მედიასაშუალების ცნობით, ოთხი ქართველისგან შემდგარი ჯგუფის ხელმძღვანელი 44 წლის იტალიელი დინო გავაძენი იყო ვარესეს პროვინციიდან. მათივე ცნობით, სწორედ აქ შეხვდა ის ქართველებს და დაიწყეს კრიმინაკლური საქმიანობა. გავაძენი არჩევდა ადგილებს, რომლებიც უნდა გაეძარცვათ.

Corriere Della Sera-ს ინფორმაციით, დაჯგუფება მილანში მას შემდეგ დააკავეს, რაც ერთ-ერთი ძარცვისას, მძარცველებს მობილური ტელეფონი დარჩათ ადგილზე.

2017 წლის იანვრიდან იტალიაში 61 პირი დააკავეს ძარცვის ბრალდებით და მათგან 18 ქართველი იყო.