26 ივლისს, 20 საათზე საკონცერტო დარბაზში SPACEHALL მსმენელის წინაშე MOTORAMA წარსდგება.

MOTORAMA მსოფლიოში ცნობილი პოსტ-პანკ ჯგუფია. კოლექტივი 2005 წელს შეიქმნა. ბენდმა პირველი სტუდიური ალბომი, Alps, 2010 წელს გამოუშვა. 2012 წელს ჩაწერილი დისკით Calendar, MOTORAMA ცნობილ ფრანგულ ლეიბლს, Talitres შეუერთდა. Calendar-მა ბენდის მიმართ ინტერესი გაზარდა. მათი საერთაშრისო პოპულარობის მიზეზი რიგით მესამე სიდი Poverty-ა. 2016 წელს ბენდის ამ დროისთვის ბოლო ალბომი Dialogues გამოვიდა.

MOTORAMA რუსეთში, ქალაქ როსტოვში შეიქმნა. როგორც ბენდის ლიდერი, ვლადისლავ პარშინი ამბობს, წევრები, უბრალოდ, იმიტომ შეიკრიბნენ, რომ საქმე არაფერი ჰქონდათ და მუსიკის სიყვარული აერთიანდებდათ. მათი შთაგონების მთავარი წყარო ლეგენდარული ბენდი Joy Division და Nick Cave-ია.

MOTORAMA-ს წლების განამავლობაში Joy Division-ს, ხოლო ვლად პარშინს Ian Curtis-ს ადარებდნენ. თუმცა, ბენდმა ლეგენდარული კოლექტივის ჩრდილიდან გამოსვლა დროთა განმავლობაში შეძლო - კლასიკურ პოსტ-პანკ ჟღერადობას ნიუ ვეივის, დრიმ პოპისა და ნიუ რომანთიქის ელემენტები დაემატა.

MOTORAMA-ს ნამუშევრები ლეიბლზე Talitres გამოდის - იმავე ლეიბლეზე, რომელზეც ქართველი შემსრულებლების, Eko & Vina Folio-ს ნამუშევრები გამოიცა.

ბენდის შემოქმედება მთლიანად ინგლისურენოვანია. ისინი მსოფლიოს გარშემო მოგზაურობენ და შთაგონებას ადამიანებთან კომუნიკაციით, ახალი კულტურის გაცნობით იღებენ.

26 ივლისს, ასევე, მოისმენთ ქართველ არტისტ ბექა კუნდალინის. მუსიკოსი თავდაპირველად ჯგუფიდან შარქათაქი გაიცნეს, თუმცა მოგვიანებით მის შემოქმედებაზე გავლენას ელექტრონული მუსიკა, ტექნო, მინიმალ ტექნო და ჰაუსი ახდენს და ბექაც სოლო არტისტად ყალიბდება.

26 ივლისს ექსერიმენტული მუსიკალური პროექტი მუზამე სეზონს ხურავს. გასული წლის განმავლობაში მუზამეს ფარგლებში თბილისს ისეთი არტისტები ეწვივნენ, როგორებიც არიან XIU XIU, THE IRREPRESSIBLES, JAY-JAY JOHANSON, PSYCHIC TV, MOLLY NILSSON.

მუზამეს ისტორიაში ერთ-ერთი ყველაზე წარმატებული კონცერტი ქართველი შემსრულებლის, სტეფანეს გამოსვლა იყო.

მუზამე კონცერტების სერიას სექტემბრიდან განაახლებს.