რა ხდება: თბილისში, პარლამენტის შენობის წინ მიმდინარე მასშტაბური საპროტესტო აქციის მონაწილეთა ნაწილი ამ წუთებში მიემართება მთავრობის ადმინისტრაციის შენობის წინ.

  • მანამდე პროტესტის მონაწილეებმა ხელისუფლებას მისცეს 1-საათიანი ვადა, უკან გაიწვიოს რუსული კანონი.
  • დემონსტრანტების მიერ, ხელისუფლებისთვის მიცემული დრო ამოიწურა, რის შემდეგაც, აქციის ერთ-ერთმა ორგანიზატორმა, ლევან ცუცქირიძემ დემონსტრანტებს მიმართა, გადაინაცვლონ მთავრობის კანცელარიასთან, თუმცა, არ აჰყვნენ პროვოკაციას და მშვიდობიანად მოითხოვონ კანონის უკან გაწვევა.

რა გეგმა აქვს პოლიციას: მას შემდეგ, რაც ხელისუფლებისთვის მიცემული 1-საათიანი ვადა ამოიწურა, მედიასთან კომენტარი გააკეთა ვაჟა სირაძემ, საპატრულო პოლიციის დეპარტამენტის უფროსმა.

ვაჟა სირაძე: "აქცია მიმდინარეობს მშვიდ ვითარებაში, არ სცდება შეკრებისა და მანიფესტაციების შესახებ კანონით დადგენილ ნორმებს, შესაბამისად, პოლიცია არის სტანდარტულად, მშვიდ რეჟიმში. იმ შემთხვევაში, თუ მოხდება რაიმე სახის სამართალდარღვევა, ძალადობა, კანონის შესაბამისად ვიმოქმედებთ.

  • ამ ეტაპისათვის დგას, არანაირი განკარგულება არ აქვს, გარდა ერთისა — დაიცვას კანონი, იმოქმედოს კანონის შესაბამისად და ყველა სამართალდარღვევაზე ჰქონდეს შესაბამისი რეაგირება.
  • არ გვაქვს წინასწარ განცხადების საშუალება. ვმოქმედებთ არსებული რეალობიდან გამომდინარე."

ბოლო ხაზი: უკვე რამდენიმე დღეა, საქართველოში ხალხი რუსული კანონის მიღებას აპროტესტებს საკანონმდებლო ინიციატივის საპარლამენტო განხილვების პარალელურად. აქციები არა მხოლოდ თბილისში, სხვა რეგიონებშიც იმართება.

გასულ ღამეს სპეცრაზმმა ძალის გამოყენებით დაარბია მშვიდობიანი აქციის მშვიდობიანი დემონსტრანტები და ჟურნალისტები.