წინა წლებისგან განსხვავებით, წელს სატენდერო პირობებიდან ქართული პროდუქციის მიწოდების ვალდებულება ამოღებულია, რის გამოც ქართულ ჯარს ადგილობრივი ნაწარმის ნაცვლად, უკრაინული ხორცით მოამარაგებენ. ინფორმაციას რუსთავი 2 ავრცელებს.

თავდაცვის მინისტრის, ლევან იზორიას, განცხადებით, ცვლილება მიმწოდებელი კომპანიის თხოვნით განხორციელდა, რომ ჯარში ხორცის დეფიციტი არ შექმნილიყო:

"მომწოდებელმა წერილობით მიმართა სამინისტროს, რომ დეფიციტია ბაზარზე ქართული პროდუქციის და ვხედავთ დიდ რისკებს ქართული ჯარის უწყვეტად მომარაგების თვალსაზრისით. ეს არა მხოლოდ მომარაგების, არამედ ქვეყნის უსაფრთხოების თემაა და სწორედ ამ რისკის თავიდან აცილების მიზნით, ჩვენ მივიღეთ ადეკვატური გადაწყვეტილება".