ადამიანთა რაოდენობამ 8 მილიარდს გადააჭარბა. ეს ნიშნავს, რომ უფრო და უფრო მეტი საკვები გვჭირდება, რისთვისაც მცენარეთა უხვმოსავლიანობა უმნიშვნელოვანესია. იმისათვის, რომ მიწათმოქმედებამ სათანადო შედეგი გამოიღოს, პირველ რიგში, ჯანსაღი ნიადაგის შენარჩუნებაა აუცილებელი. რა უნდა გავაკეთოთ ამისთვის?

აღნიშნულ საკითხზე მარი ქვარაია, ქიმიის მასწავლებელი, გვესაუბრება. პროექტის "STEM მარტივად" ფარგლებში მომზადებულ ვიდეოში ის აგვიხსნის, რატომაა პესტიციდების გამოყენება საზიანო. ასევე, გვეტყვის, როგორაა შესაძლებელი ნიადაგის მჟავა-ტუტოვანი ბალანსის აღდგენა და შესაბამისი ქიმიური პროცესების საჩვენებლად ცდებსაც ჩაატარებს.