რა ხდება: სახელმწიფო უსაფრთხოების სამსახურის (სუსი) თანამშრომლებმა, დიდი ოდენობით ყალბი ვალუტის შენახვისა და გასაღების ფაქტზე, ეგვიპტისა და ერაყის 2 მოქალაქე დააკავეს.

დეტალები: გამოძიებით დგინდება, რომ საქართველოში დროებით მცხოვრებმა ეგვიპტისა და ერაყის მოქალაქეებმა, 14 მარტს უკანონოდ გაასაღეს ყალბი 9 600 აშშ დოლარი.

ისინი ფაქტზე დააკავეს.

  • გამოძიება წინასწარი შეთანხმებით ჯგუფის მიერ დიდი ოდენობით ყალბი ვალუტის შენახვისა და გასაღების ფაქტზე მიმდინარეობს, რაც სასჯელის სახით ითვალისწინებს თავისუფლების აღკვეთას 7-დან 10 წლამდე ვადით.
  • გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.
  • არ გამორიცხავენ, რომ გამოძიების მიმდინარეობისას დამნაშავე პირთა წრე გაფართოვდეს.