თანამედროვე სამყაროში კაპიტალის ინვესტირების არაერთი შესაძლებლობა არსებობს. სწორედ ამიტომ, მნიშვნელოვანია, რომ ვიდრე საინვესტიციო პროდუქტს შეარჩევ, ყველა შესაძლო ალტერნატივა განიხილო და გადაწყვეტილება ამის შემდეგ მიიღო.

გასათვალისწინებელია, რომ როგორც წესი, გრძელვადიან პერიოდში ნაღდი ფულის ღირებულება ეცემა — თუმცა, თუ ფულად სახსრებს სწორი მიმართულებით მიმართავ, შენი კაპიტალი შემცირების ნაცვლად გაიზრდება.

ამ სტატიაში იმ 5 შესაძლებლობაზე გიყვებით, სადაც შენი ფულადი სახსრების ინვესტირება შეგიძლია.

1. უძრავი ქონება

უძრავ ქონებაში ფულის ჩადება ინვესტირების ერთ-ერთი მოგებიანი საშუალებაა. ამ დროს რამდენიმე გამოსავალია: პირველ შემთხვევაში ყიდულობ უძრავ ქონებას, რომელსაც აქირავებ და ამ გზით იღებ შემოსავალს. ან ფულს აბანდებ უძრავი ქონების საინვესტიციო ტრასტებში, რაც ამ სექტორში ფულის ჩადების კიდევ უფრო მარტივი გზაა.

ანალიტიკოსები ამბობენ, რომ უძრავ ქონებაში სწორად ჩადებული ინვესტიცია დიდი ამონაგების მომტანი შეიძლება იყოს. რაც მთავარია, ამ და სხვა ნებისმიერ შემთხვევაში საინვესტიციო გადაწყვეტილების მიღებამდე ბაზარი სიღრმისეულად უნდა შეისწავლო.

2. ძვირფასი ნივთები

ამ სფეროში გამოცდილი ადამიანები ამბობენ, რომ ფინანსური ბაზრების კრიზისების დროს ოქრო, ვერცხლი და სხვა ძვირფასი ლითონები საკმაოდ მდგრადები არიან.

გარდა ლითონებისა, ძვირფას ნივთებს შორის ხელოვნების ნიმუშები, ავეჯი და სხვადასხვა სახის ნივთიც შეგიძლია განიხილო. გაითვალისწინე, რომ ყველაფერი ის, რისი ღირებულებაც გრძელვადიან პერსპექტივაში შეიძლება გაიზარდოს — საინვესტიციო პროდუქტია. ამასთან, მეტი ყურადღება დაუთმე იმ სფეროს, რომელშიც უფრო მეტად გამოცდილი ხარ და მეტ ცოდნას ფლობ, რადგან ეს სწორი გადაწყვეტილებების მიღებაში დაგეხმარება.

3. საბანკო ანაბარი

ფულის შენახვის შესაძლებლობას საბანკო ანაბარიც იძლევა. ეს ინვესტირების შედარებით მარტივი ხერხია, რომელსაც, როგორც წესი, დამწყები ინვესტორები მიმართავენ ხოლმე.

ანაბარზე თანხის განთავსებამდე შენ გარშემო არსებული ყველა შესაძლებლობის შესახებ ინფორმაცია კარგად მოიკვლიე. განსაზღვრე ვალუტა და პერიოდი, რომლის განმავლობაშიც შეინახავ ფულს. ეს ის ორი მნიშვნელოვანი კრიტერიუმია, რომელთა მიხედვითაც შენთვის მისაღები სარგებელი დაითვლება. სწორედ ამიტომ, გადაწყვეტილების მიღებამდე კარგად დაფიქრდი, რა არის შენი მიზანი და როგორ გინდა ამ მიზნამდე მისვლა.

4. აქციებში ინვესტირება

თანამედროვე სამყაროში საფონდო ბირჟებზე აქციებით ვაჭრობა ინვესტირების ერთ-ერთი ყველაზე მიღებული პრაქტიკაა. მარტივად რომ ვთქვათ, ამ დროს ყიდულობ კომპანიის ფასიან ქაღალდს იმ გათვლით, რომ მისი ფასი დროის გასვლის შემდეგ გაიზრდება — შენ მას გაყიდი და ამონაგებს მიიღებ.

აქვე გეტყვით იმასაც, რომ ჩვენს გარშემო მსოფლიოში ცნობილი კომპანიების აქციებით ათასობით ადამიანი ვაჭრობს — საქართველოს ბანკის მობილბანკის ინვესტიციებს უკვე უამრავი მომხმარებელი ჰყავს. მობილბანკის საშუალებით ინვესტირების დაწყება მარტივად, ნებისმიერი თანხით არის შესაძლებელი. ამასთან, შეგიძლია იყიდო კომპანიის სრული აქცია, ან მისი ნაწილი. მობილბანკი საშუალებას გაძლევს თვალი ადევნო კომპანიების ფასიანი ქაღალდების ზრდისა და შემცირების დინამიკასაც.

5. ETF-ში ინვესტირება

ETF გაცვლითი სავაჭრო ფონდია, რომელში ინვესტირებითაც თანხას აქციების კრებულში აბანდებ. ასეთი ფონდების ფასიანი ქაღალდები აქციების მსგავსად ივაჭრება. ამასთან, ეს პროდუქტი ინვესტორებისთვის ნაკლებად სარისკოდ ითვლება, რადგან აქ ფულის ჩადებით შენი პორტფელი დივერსიფიცირებულია.

დივერსიფიკაცია რისკების მართვის ჭკვიანური სტრატეგიაა, რომელიც საინვესტიციო პორტფელის იმგვარად დაყოფას გულისხმობს, რომ იგი აერთიანებდეს სხვადასხვა ტიპის ფასიან ქაღალდს — აქტივებს, რომელთაც საფონდო ბირჟებზე განსხვავებული ქცევა ახასიათებთ.

ინვესტორებს შორის პოპულარული ფონდებია: Invesco QQQ ETF, SPDR Fund, Vanguard Information Technology, First Trust Dow Jones Internet Index ETF და სხვები.

საქართველოს ბანკის მობილბანკში 6000-მდე ცნობილი კომპანიის აქციის შეძენა არის შესაძლებელი. შენც შეგიძლია დაიწყო ინვესტირება ნებისმიერი თანხით და გახდე ისეთი ცნობილი კომპანიების აქციონერი, როგორებიცაა: Apple, Amazon, Microsoft, Tesla, Google და სხვა.

*ეს არ არის ფინანსური რჩევა