რა ხდება: ისრაელის არმიამ ცეცხლი გაუხსნა საჭმლის რიგში მდგომ პალესტინელებს, შედეგად, სულ მცირე 104 ადამიანი დაიღუპა და დაშავდა 760.

დეტალები: შემთხვევა მაშინ მოხდა, როდესაც ღაზის მოსახლეობა ჰუმანიტარული დახმარების მანქანებთან შეიკრიბა იმედით, რომ საჭმელს მიიღებდნენ. როგორც CNN წერს, ისრაელის ტანკებმა და დრონებმა ხალხის მისამართით დაიწყეს სროლა.

  • შემთხვევა ქალაქ ღაზაში, ჰარუნ ალ-რაშიდის ქუჩაზე მოხდა.
  • ისრაელის ოფიციალურმა წარმომადგენელმა განუცხადა CNN-ს, რომ ისრაელის ჯარებმა გაუხსნეს პირდაპირი ცეცხლი სატვირთო მანქანების გარშემო მყოფ ადამიანებს, რადგან: "ისინი შეიარაღებულ ძალებს მიუახლოვდნენ ისე, რომ მათ საფრთხე შეუქმნეს. ჯარმა საფრთხეს ცეცხლის გახსნით უპასუხა, ინციდენტი განხილვის სტადიაშია."
  • სატვირთო მანქანებმა სცადეს ტერიტორიიდან სწრაფად გასულიყვნენ, რის შედეგადაც დაეჯახნენ ადამიანებს, შეკრებილების ნაწილი სწორედ ამის გამო დაიღუპა, ან დაშავდა.
  • მოსალოდნელია, რომ დაღუპულთა და დაშავებულთა რიცხვი გაიზრდება, რადგან ბევრი ცხედარი ჯერ კიდევ ქუჩაშია. სასწრაფო დახმარების მანქანებს კი საშველად მისვლა უჭირთ, რადგან დანგრეული შენობების გამო გზა ბლოკირებულია.