მოკლედ: ორი დღეა ამერიკაში ეძებენ საქართველოს მოქალაქეს, 36 წლის კობა ძიგრაშვილს.

  • "ამერიკის დროით, ორშაბათს, 03:20 წუთზე კობა ძიგრაშვილთან კავშირი შეწყდა. დაახლოებით 2,5 საათის განმავლობაში, ზარი გადიოდა ტელეფონზე, შემდეგ კი გაითიშა", — უთხრა On.ge-ს ირმა ადეიშვილმა, ძიგრაშვილის ოჯახის წევრმა.
  • მისივე თქმით, ბოლოს კობა ძიგრაშვილი ლონგ აილენდზე შენიშნეს, სადაც ცისფერი პრიუსით გადაადგილდებოდა.

დეტალები: "2 დღეა ძებნა გამოცხადებულია, ლონგ აილენდის და ბრუკლინის პოლიციაში განაცხადი შევიტანეთ, საკონსულოსაც დავუკავშირდით, პირადად კონსულს ველაპარაკეთ", — უთხრა On.ge-ს ირმა ადეიშვილმა.

  • ოჯახის წევრების თქმით, საქმეში ჩართულია საქართველოს საკონსულო.

დეტალების შესახებ NEWS.On.ge საქართველოს საგარეო საქმეთა სამინისტროს დაუკავშირდა, მათგან ინფორმაციის მიღების შემთხვევაში, მასალა განახლდება.