მოკლედ: პროკურატურის ინფორმაციით, კაცს, რომელმაც ყოფილი ცოლი გენდერის ნიშნით შეუწყნარებლობის მოტივით მოკლა, 18 წლით თავისუფლების აღკვეთა მიესაჯა.

  • პროკურატურა აცხადებს, რომ სასამართლოს გადაწყვეტილებას, სასჯელის გამკაცრების მოთხოვნით, სააპელაციო წესით გაასაჩივრებს.

დეტალები: შემთხვევა 2023 წლის 4 ივნისს, თბილისში მოხდა.

  • უწყების თანახმად, სასამართლო პროცესზე გამოკვლეული მტკიცებულებებით დადასტურდა, რომ ბრალდებულმა ყოფილი მეუღლის ცხედარი, კვალის დაფარვის მიზნით ავტომანქანის საბარგულში მოათავსა, გლდანის რაიონის ტერიტორიაზე გადაიტანა და ხევში გადააგდო.
  • სამართალდამცველებმა დანაშაულის ჩამდენი პირი 6 ივნისს დააკავეს.

  • მას ბრალდება საქართველოს სისხლის სამართლის კოდექსის 11 პრიმა 109-ე მუხლის "თ", და "კ" ქვეპუნქტებით — განზრახ მკვლელობა, ჩადენილი გენდერის ნიშნით, ოჯახის წევრის მიმართ, წარედგინა.